الزوجه بحاجة للرومانسية .. ولكن‏

---------- الرسالة المعاد توجيهها ----------
من: a.alhamoud <

 

 

السلام عليكم ورحمة الله وبركاته

 

هاليومين طالعين لنا البنات بمواضيع عن الرجل وانه الرجل ماعنده رومنسية واهتمام في الزوجة

 

صحيح ان الرجل .. والسعودي بالتحديد ماعنده ذيك الرومنسية اللي تشوفونها بالافلام ... مهند ولميس ومدري وشو .. طفاج القدر ياشمعتي ... بس يعني الرجال عليه مسؤوليات كبيرة في بيته وقاعد يخطط لتأمين المعيشة لك انتي وعييالك وتوفير اجواء مناسبة انهم يتعلمون ويحصلون على شهادات ويصبحون فالحين بالمجتمع ..

بعض الحريم الله يعافيهم ماعندهم ذيك المسؤولية بس تبغى كلشي على الرجال وتبغى منه كلشي برضو وهي حضرتها شريكة حياته بالاسم بس

والله مساكين هالرجال ياعندهم مشاكل إلى الليل ويحتاج من زوجته انها تكون الملاذ الآمن والراحة النفسية

صحيح هي محتاجة بعد من يهتم فيها ويدلعها لكن الاثنين مطالبين بالتضحية وقت اللزوم ... الرومنسية والحب ماتجي الا بعد عشرة ومواقف ولحظات يكون الرجال محتاجها يشوفها عنده عشان يحبها من قلب ويذكرها بكل وقت ... لازم هي بعد تهتم فيه وتراعيه وتعرف متى تطلب ومتى تقرر ومتى تحكم عليه ... الاسلوب والاحترام والفهم بين الاثنين هو المهم بالحياة الزوجية ومتى ماكان اسلوبك حلو معاه ... هو بيجيك على بوزه وصدقوني مافيه اقرب من الرجال عندنا .. وبقول لكم سر خطير ... انتوا ماتلاحظون ان تأبرني وتأبشني وياحليوة ماخذين عليكم الجو .... ترى كل السر في كلامهم الحلو واسلوبهم الناعم ... تعلمو الدلع شوي تعلموا الكشخة اللي مافيها تكلف ... يعني إشي ميك اب خفيف ... إشي ملابس خفيفة وحلوة .. يعني سنعوا روحكم شوي الله يعافيكم

 

اللي حاطت لي حنى ريحتها تفقع الراس وحتى اصبع رجلها مزخرف ... شدعوة متزوج فرعون .... وبعد تجيك بالحلاوة لاعبه بروحها تحس واحد مكفخها كلها حمراء صايرة ... واكره شي اللي متينة وتلبس ضيق ... يابنت يرحم امك حاولي تستوعبين انه الموضه خصر واطي وخشم ناقز واذن مورمة مو لك ... حاولي تلبسين شي يغطي البراكين والزلازل اللي عندك ...والا تجيك حاطة مكياج السوق كله ... شوي شوي الميك اب ذوق مو صبغ هو ... عاد بعضهم تحط ماسك مدري وشو ... زبادي وسلطة وخضرة ... يعني معليه في رجال يقول للبنت ودي اكلك يقصد انك حلوة وكذا مو تحطين اكل البيت كله مصدقة انه جد بياكلك الله يصلحك .. حاطة لي كمثرة وجح وين تبين كلام حلو

 

 

واذا جيت للكلام والاسلوب الله بالخير ... انا اخبر البنات الاجانب ياهني ويابيبي ودلع وترتيب وتأبرني وتافشني وحركات تخلي الواحد يصير كيكة قدامها ...اما ذي يالله طف النور .. شدعوة ... تحمضون فلم ... والا تقوله اذا خلصت جريدتك تعال ... يلعن شيطان الرومنسية المفهية ليه ابي افهم انتوا ماتشوفون اسلوبكم مع الرجل  .. ترى والله طول عمره بين هالشواكيش بالحارة والعمل والجامعه ويبي له شي حنون شي يفتح النفس ... سنعي امورك مو بس تبين وردة والا كلام يقص عليك فيه ههههههههه عاد ياحب رجالنا للشلاخ اذا البنت صدقت مسكينة ... تشوفينه ينبرش انبراشات مالام امها داعي ..

 

 

وانا بذكر لكم بعض الاشياء اللي الرجل يبيكم تسوونها

(معليه ياشباب والله لاضبطكم هههههه اصبروا بس)

 

 

ملاحظه/
الأفكار مقتبسة من الكاتبه منال بنت نايف


أولاً : أفكار يومية خفيفة 



عندما يسافر زوجكـ لمدة قصيرة اكتبي له بطاقات صغيرة
أخفيها بينَ ملابسه واكتبي له بعض العبارات التي تعبر عن
حبكـ له أو أبيات من الشعر.

أثناء وجودكما في مكان رومنسي
اهمسي لزوجكـ عبارة رقيقة مثل

 أنا سعيدة لأنكـ زوجي 
ياعمري أنت

فكره حلوه.:
 بعد أن ينام زوجكـِ تسللي في الليل وأذهبي إلى دورة المياه
ومعكـ قلم روج وقلم كحل .. واكتبي على مرآة الحمام عبارات
أو رسمات تعبرين فيها عن حبكـ لزوجكـ ، وبطريقة حلوة أحظري ورد مجفف وضعيه في كوب المضمضة وعلى يمينه ويساره شمعتان

 بعد الغداء دلكي رجليه بكريم واعملي له مساج حتى تتنشط
الدوره الدموية. (اما هذي كثري منها تلقاها شاربة لبن ومو فاضية تحرك نفسها وتقول له جيب لي عود اسنان)

 قبل أن يرجع من العمل بخري دولاب الملابس الخاص
به وعطريه .. حتى إذا فتح الدولاب قال

 الله يخلي زوجتي ولا
يحرمني منها .

 إذا كان زوجكـ من مستخدمي الكمبيوتر افتحي على شاشة التوقف أو
رسالة ترحيب وأكتبي له عباره حلوة أو بيت غزلي أو أي
شي تحبينه. (والله انك ذربة يالكاتبة .. ايه افلقيني زين ماتكسر الجهاز على راسه)


 عند ذهاب زوجكـ خارج المنزل .. عطري فراش زوجكـ بعطركِ المفضل وانثري عليه بعض
من الورد المجفف أو الطبيعي مع بطاقة جميلة وعبارات توديع وضعيها بداخله ، سيتفاجأ بذلكـ
عند فتح الفراش . ولن ينسى هذه الحركه.

جوال زوجكـ .. استغلي انشغال زوجكـ أو عندما يكون نائم ، ثم خذي جواله وامسحي اسمكـ
وأعيدي كتابته مرة ثانية بأسماء أخرى مثل (( يابعدهم كلهم _ وراك وراك _ الجوال بينفجر من حبي
كفشتكـ وش تسوي _ الأولاد جننوني ... سوف يتفاجأ ويضحكـ في نفس الوقت.

 استيقظي يوم الإجازة في الصباح الباكر .. وجهزي له فطور خفيف
وضعي فيه بعض الحركات البسيطة وضعي لفطور على السرير وأيقظيه من النوم ولا تنسي جريدة
الصباح فقد ذكر إن الأكل الخفيف على السرير يألف بي القلوب.

 
 

وصفات روحانيه وعمليه لعلاج المشاكل الزوجية:

تؤخذ قبل النوم كل ليلة ( سبحان الله والحمد لله ولا إله إلا الله والله أكبر)

امشيا سوياً في المطر.

 تميزي بأكله ولا تعلميها الخادمه حتى لو غبت عن المنزل يشتاق لأكلكــ .

 حاولي دائماً سؤال زوجكـ عما لا تعرفينه .. أشعريه بأنكـ تتعلمين منه وتطبقين مايقوله لكـ
من التوجيهات ففإن ذاكـ يسعده.

 لا تهملي أنت وزوجكـ رسائل الحب والغرام..
فالحب حساس .. وقابل للتمزق.. فما المانع أن يكتب كل منكما رسالة حب وغرام للطرف الآخر.

 استشيريه أمام امه واخواته .. فهذا التصرف يشبع غرور الرجل .

 

 

 

 

هذا والله اعلم 

اعذرونا عالاطالة

منقول للكاتب/

اخوكم ....

 

 

 

 

 

للمشاركة في المجموعة

 

زيارة هذه المجموعة

جميع الاراء لا تعبر الا عن وجهة نظر اصحابها

--~--~---------~--~----~------------~-------~--~----~
لقد تلقيت هذه الرسالة لأنك مشترك في مجموعات Google‏ مجموعة
 Group woolf.
لإرسال هذا إلى هذه المجموعة، قم بإرسال بريد إلكتروني إلى
woolf.8@gmail.com
لخيارات أكثر، الرجاء زيارة المجموعة على
http://groups.google.com/group/woolf_8?hl=ar?hl=en-GB
 لإلغاء الاشتراك في هذه المجموعة، ارسل كلمة (الغاء)  إلى
woolf_b@hotmail.com
للتواصل مع إدارة المجموعة ماسنجر على الايميل التالي
-~----------~----~----~----~------~----~------~--~---